“Jesus het gehuil.” ( Johannes 11:35 )
Hierdie twee woord vers is propvol betekenis. Jesus hoor sy goeie vriend Lasarus is baie siek, en Lasarus se susters, Maria en Marta, stuur dringend vir Jesus. Maar Jesus wag twee dae voordat hy na Betanië reis om hulle te sien, en Lasarus sterf.
Jesus kom saam met die bedroefde susters by die graf aan. Sy hart breek vir sy vriende, en Hy huil saam met hulle ( Joh. 11:35 ). Dit is verstommend as in ag geneem word dat Jesus Lasarus eers oomblikke later uit die dood opwek.
Waarom sou die Seun van God openlik huil terwyl hy weet dat Hy op die punt was om Lasarus te herstel? Die antwoord is duidelik: Jesus het ons lief. Die diepte van Sy deernis gaan die verstand te bowe. In Matteus 11:29 beskryf Jesus, ons almagtige Skepper en Verlosser, Sy eie karakter, deur vir ons te sê Hy is “sagmoedig en nederig van hart”.
Jesus se liefde vir ons vandag is niks minder as Sy liefde vir daardie drie broers en susters nie. Hy het empatie met ons wanneer ons worstel onder die laste van hierdie gebroke aarde ( Hebreërs 4:15 ), en Hy treur saam met ons wanneer ons treur. (Jesus het gehuil)
Jesus se Opstandings wonderwerk het ongetwyfeld Maria en Marta se trane van hartseer onmiddellik verander in trane van onuitspreeklike groot vreugde. Hierdie wonderwerk was 'n duidelike teken van Jesus se eie komende opstanding en Sy absolute mag oor die skepping en selfs die dood.
Op die laaste dag, wanneer ons Jesus van aangesig tot aangesig ontmoet, sal ons oorweldig word met vreugde, en Jesus sal ons toevou in Sy arms, dieselfde arms wat ons vasgehou het van die oomblik van ons bevrugting, en ons tuis verwelkom op die plek wat Hy vir ons voorberei het ( Joh. 14:3 ). “En God sal al die trane van hulle oë afvee; en daar sal geen dood meer wees nie; ook droefheid en geween en pyn sal daar nie meer wees nie... Kyk, Ek maak alles nuut” ( Openbaring 21:4-5 ). MJS
Artikel : BY MICHAEL J. STAMP | Days of Praise
Beeld van Wix
Wees sterk genoeg om te laat gaan
en geduldig genoeg om te wag
vir God se plan om te ontvou!
Comments